تصميم وتطوير المواقع الالكترونيه تصميم المتاجر الالكترونيه للشركات الكبيره والصغيره

 

تصميم وتطوير المواقع الالكترونية
 طبعآ احنا عارفين ان فى شركات كتير جدآ فى مجال تصميم المواقع حاليآ و بتنافس بقوة و بتقدم اسعار غريبه  
 
بس ممكن اوضح لحضرتك حاجه مهمة جدآ و بسيطه  
تفتكر اول ما ابل نزلت ايفون 6 و كسر الدنيا و فى امريكا كانت الطوابير عليه من هنا لأخر فيصل ؟؟ 
طبعآ فاكر 
الصين عملت ايه بقا تااانى يوم نزلت كوبى من ايفون 6 و ضربته ضرب مبرح و بقا بيتباع على الرصيف ب 150 جنيه بس و لو فى منطقة راقية شويه ب 200 جنيه 
طبعآ فهمت انا اقصد ايه .. انت ممكن تجيب حاجه براند و مضروبه علشان تتمنظر بيها فقط لكن ماتسألش بقا عن اداء و امكانيات و هو ده الشغال اليومين دول فى عالم البرمجة و فى شركات كتير بتعمل مواقع و بتبيع و تكسب فلوس كتير لكن بتخسر اسم و سمعه و كيان كان ممكن تحافظ عليه لو كانوا اشتغلو صح 
لكن لو حضرتك عايز تعمل موقع محترم يكون واجهه محترمة لشركتك او لمؤسستك او لمصنعك او لمركز طبى او مهما كان مجال عملك اوك يبقا انت كدا جيت المكان الصح ,
و مش هنقول شغل التسويق القديم بتاع الدومين و الاستضافة مجانآ لان مافيش حاجه اسمها كدا لان حضرتك كدا كدا دافع فلوس الدومين و الاستضافة اصلآ لكن بعض الشركات بتحب تقول كدا عشان يظهروا ليك انهم عاملين احسن واجب معاك و بيشتغلوا على عدم معرفة العميل  لكن اظن دلوقتى كل الناس فاهمين و بقا صعب حد يضحك عليهم او يشتغلهم 

 

ايه هى فائدة الموقع الالكترونى 
هقول لحضرتك انت دلوقتى رايح تشترى ساندوتش من ماك او هارديز اقصد يعنى براند مشهور  فى المطاعم 
طيب انت عرفت منين ان اكلهم كويس ؟؟ و لفترض انك اول مره تجرب اكلهم 
طبعآ اول حاجه من الاعلانات فى التليفزيون و من ديكورات المحل و اليونيفورم بتاع الموظفين بالمطعم  و كمان اكيد عجبك الموقع لانه مثلآ فى جامعة الدول - المهندسين  او فى الزمالك على النيل او فى شارع مشهور فى مدينة نصر ... 
هو ده بالظبط اهمية الموقع الالكترونى 
انك تختار دومين يعنى اسم مناسب لمجال عملك و هو ده الموقع او مكان المطعم زى ما قولنا اللى فى الزمالك على النيل  و لازم يكون الاسم سهل و جذاب 
و بعد كدا التصميم الجذاب و الوان الصفحات و التصميمات و الصور بالموقع و هو ده زى ما قولنا الديكور و اليونيفورم لازم تختار بعناية الحاجات ده لانها هتفرق كتير فى نظرة العميل للموقع و ياريت يكون نفس الوان اللوجو 
حاجه كمان مهمة و هى المحتوى و توافق الموقع مع الموبايل و التابلت والايباد و كمان ارتباط الموقع بمواقع التواصل الاجتماعى و هو ده زى ما قولنا فى مثال ماك و هو الاعلانات و احنا دلوقتى بقينا بنفتح التليفزيون و فى ايدينا التانية ماسكين الموباييل او التابلت و بنبص هنا شوية و هنا شوية يعنى مع شوية شغل و شوية تعب و مصاريف بسيطه هتعمل براند و تعمل اعلانات و ناس كتير هتشوف شركتك و تتعرف على المنتج بتاعك بكام و امكانياته ايه 
حاجه مهمة كنت هنسى اقولها و هى واجهة شركتك امام العميل لازم تكون بتراسل شركة كبيرة عايز تعمل معاهم شغل اوعى تبعت من ايميل مجانى زى هوتميل و ياهو ميل لان غالبآ الايميلات ده لا تقر